ညနေ၅နာရီခွဲရဲ့ဆည်းဆာအလှ
မရွာခင်ညိုတဲ့ မိုးတိမ်လိုထီးနဲ့
ညနေ၅နာရီခွဲဆည်းဆာအလှလို
မင်း....ငါ့ရှေကဖြတ်လျှောက်ခဲ့တယ်
မွေးကာစသမင်တစ်ကောင်ရဲ့မျက်ဝန်းမျိုးနဲ့
ငါ့နှလုံးသား ကို ဆယ်နှစ်ကြာသုသန်လို
မင်း.....စိုးမိုးပြီ
၁၂ကြိုးတောင်တန်းလိုပါးပြင်က
လျက်စီးဆင်းတွေကို မင်း
မြတ်နိုးစွာအုပ်မိုးခွင့်ပြုပါတော့
ဒါထက်တိတိကျကျ ပုံသွင်းထားတဲ့
မင်းရဲ့ လက်ဖ၀ါးချိုချိုလေးမှာ
နွေးနေပါစ အေးပါစ
တကယ်ဆိုမင်းအတွက်
စာရွက်တစ်ရွက်မှာတောင်
အမှားခံချင်တဲ့ကောင်မဟုတ်ဘူး
မင်းကတော့ ငါ့နှလုံးသားတွက်
လွမ်းသူပန်းခွေလေးပဲချပေးခဲ့တယ်ပေါ့
အက္ခရာတွေမသေချာတော့ဘူး
အမှန်း နဲ့ အချစ်
ပြောင်ပြန်ဖြစ်နေပြီ
မြွေတစ်ကောင်လို
ရက်ပေါင်း၁၈၀ကျော်စာ
နှစ်လိုမှုတွေအုံမှိုင်းနေပြီ
ဒီတော့...
တိမ်ညို...မိုးမရွာနဲ့
ငါ..ညနေ၅နာရီ အချိန်ကို
ဆွဲယူလိုက်ဦးမယ်။ ။
မင်းမင်း
0 comments:
Post a Comment